Эфедрин 50мг/мл 1мл №10 тарилгын уусмал Moscow endocrine plant

Артерийн даралт буурсан (мэс ажилбарын үед даралт “унах”, нугасаар мэдээ алдуулах болон гэмтэл, цус алдалт, цусан үжил, ганглийг хориглогч, адрено хориглогчид болон даралт бууруулагч бусад эмүүдийн тун хэтэрсэн зэрэг шалтгааны улмаас муурч унах-коллапс, шокод орсон) үед; ургаль мэдрэлийн зохицуулга алдагдсаны улмаас симпатик мэдрэлийн саатал даамжран хориг үүссэн тохиолдолд хэрэглэнэ.

ОХУ

1 мл уусмалд Үйлчлэгч бодис: эфедриний гидрохлорид - 50 мг, Туслах бодис: тарилгын ус 1 мл хүртэл

Арьсан дор, судсан дотор болон булчинд тарьж хэрэглэнэ. Хаана тарих нь эмчилгээний зорилгоос хамаарна. Хэрэв артерийн даралт огцом унасан бол судсан дотор аажим шахаж тарина. Нугасанд мэдээ алдуулалт хийхийн өмнө; халдварт өвчний ид үед даралт нэмэгдүүлэх зорилгоор арьсан дор эсвэл булчинд тарьж хэрэглэнэ. Судсанд шууд шахаж эсвэл дуслаар хийнэ. Судсанд шууд шахаж хийхдээ 0,02-0,05 г (50 мг/мл түвшрүүлэг бүхий 0,4 - 1 мл уусмал) тунгаар судас руу маш аажим шахаж тарина. Дуслаар хийхдээ натрийн хлоридын изотоник (0.9% 100-800 мл) уусмал дээр 0,06-0,08 г эфедрин хийж найруулна. Арьсан дор тарих бол 0,02-0,05 г (50 мг/мл түвшрүүлэг бүхий 0,4 - 1 мл уусмал) тунгаар хоногт 1 - 2 удаа тарина. Нугасанд мэдээ алдуулалт хийх үед даралт огцом буурахаас сэргийлж, арьсан дор 50 мг/мл түвшрүүлэг бүхий 1 мл уусмалыг мэдээгүйжүүлэг хийхээс 10-30 минутын өмнө тарина. Арьсан дор тарьж хэрэглэх дээд тун насанд хүрэгчдэд: нэг удаагийнх - 0,05 г, хоногийн тун - 0,1 г байна.